نشري رضاك وخاطرك مانبيعـــه
حبك هوى نفسي وشوفك متاعي
وأشواق قلبي تندفع لك سريعــه
وأنا على شانك سريع إندفاعـــي
أمرك يلبيه الخفوق ويطيعــــــه
لو في حلات النوم فزيت واعـــي
حب البشر لو تجمعونه جميعــه
حبي لك أكبر والوفا من اطباعــي
,,,,,,,,,,,,,,,,,,,,,,,,,,,,,,,,
أمنتك الله لايطول غيابـــــــــــك
وش تنفع الدنيا بليا وجــــــــودك
يمكن غيابي ما يسبب عـــــــذابك
لكن عذابي ياعذابي صــــــــدودك
حاسب ضميرك لا تعجل عتابـــــك
وين الاماني وين باقي وعـــــــودك
خللك مع اللي للمعزه حذابــــــك
وابعد عن اللي بالمهانه يــــــــزودك
,,,,,,,,,,,,,,,,,,,,,,,,,,,,,,,,
أتعبت قلبي من جفاك وتغليــــــــــك
وتاهت بي الشرهه ولا أحد ذكــــــــرها
المشكله قلبي حلف مايخليـــــــــــــــك
ومدري متى ظروفك توقف ضـــــررها
قلبي وعقلي والمشاعر تباريــــــــــــك
روحي هوت روحك وحبك سحـــــــرها
الذنب ذنب الحب ماهو بخافيـــــــك
هذا خطاء نفسي وهذا قـــــــــــــــدرها
,,,,,,,,,,,,,,,,,,,,,,,,,,,,,,,,
ضاق الوجود وهمي بداخلي ضاق
وعجزت أداوي في خفوقي سهومه
ياليت حلم البارحه مابعد فاق
سبب على قلبي هموما تسومه
أبكي واخايل بالسماء نوض براق
يمكن لعل المزن تجلب علومه
,,,,,,,,,,,,,,,,,,,,,,,,,,,,,,,,
لاتسئل المشتاق عن غايته وين
إسئل حبيبه ليه يشقي حبيبه
ولا تسئل المجروح عن دمعة العين
دامه غريب ولا فزعله نصيبـــه
ولا تسئل المديون عن سبة الدين
دامه دفن دنياه بأصعب مصيبه
,,,,,,,,,,,,,,,,,,,,,,,,,,,,,,,,
أدري انك صرت من ضمن المستحيل
بس قلبي رغم بعدك ما نساك
وأدري إني منك ضيعت الدليل
والسبب لا شك هو كثرة غلاك
وأدري إني من سبب بعدك عليل
الله اكبر صار حبك لي هلاك
وأدري إني ممكن القى لك بديل
بس وين اللي يساويك بحلاك
,,,,,,,,,,,,,,,,,,,,,,,,,,,,,,,,
أحبك كثر ماضاقت من أسباب الفراق صدور
أحبك كثر من سمّي يتيم وخاطره مكســـور
أحبك كثر ما تنقال هالكلمة بدون اشعـــور
أحبك كثر ماضاق المكان بواحد مقهـــــور
أحبك كثر ما طارت تحت شمس الزمان طيور
ـــ أحبــــــــــك ـــ
,,,,,,,,,,,,,,,,,,,,,,,,,,,,,,,,
لا تظن البعد ياخذ من غــــــــلاك
ولا تظن أعشق وأدور من جديـــــد
ما أتغيّر مادام لي قلب معــــاك
مخلص لحبك وغيرك ما يريــــد
يذكرك مشتاق ولا مره نســــاك
أشعر بقربك ولو إنك بعيــــــد
ياحبيبي مالي بالدنيـا ســــواك
لا جللك أسهر وانظم بيوت القصيد
,,,,,,,,,,,,,,,,,,,,,,,,,,,,,,,,
غرامــك يا حب عمري خـــــذاني
وحب غير حبي لك نسيتـــــــــــه
بقلبي ما معك بالحب ثـــــانــــي
أصل حبك بنى بالروح بيتــــــه
,,,,,,,,,,,,,,,,,,,,,,,,*
يا عاشق الفرقاء بروحي تماديـــــت
أهواك وأسهر وانت غارق في منامك
الله يبحك ياهوى البال وش فيـــك
ناوي هجر أو قل عنا إهتمامــــــك
,,,,,,,,,,,,,,,,,,,,,,,,*
الروح ذكــرى وآخر العمر سكرات
يا كيف ابنسى روح فيها نجاتـي
مادام بالذكرى تعيش إبتسامات
أستأذنك تبقى إبتسامة حياتـي
,,,,,,,,,,,,,,,,,,,,,,,,*
لا تفارقني ورحي في يديــــــــك
خلني باعيش لك عمـــر وليـــال
كل جرح وكل دمعة تحتريــــــك
كان بيديك الشفا يالله تعــــــال
ياحبيبي ضعت بك كيف ابتديك
وأنت ياحلمي تعديت الخيـــال
إن طلبت الروح ابشر بتجيــك
وأن طلبت العمر كله لك حلال
,,,,,,,,,,,,,,,,,,,,,,,,*
كلمة أحبك غالية بين الأحبــاب
لا قالها خلي أحس بغلاهـــــــا
أعطش لها دايم وأدور لها أسباب
أبيه ينطقها يردد صداهـــــــا
كن العسل من شفته فوقها ذاب
زود على كلمة أحبك حـــــلاها
ياليتني وياه في صفحة كتـــــاب
قصة غرام وكل عاشق قراهــــا
,,,,,,,,,,,,,,,,,,,,,,,,,,,,
أنا ماني على خبرك تــــراني
أنا أصبحت إنسان ثــــــــاني
أنا ماعدت محتاج لطيبـــــك
أنا غيرك عن أيامك خذانـــي
نسيتك يوم عهدك ما وفيته
تركتك دام حبي ما حميتــه
أسامح كيف وإنت ما تسامح
أحب كيف شخص ما هوانــي
,,,,,,,,,,,,,,,,,,,,,,,,,,,,
الصاحب اللي في خيالي مصـــــــوّر
لا غاب عن عيني بقا منه صـــــــوره
حبه مع الأيام زار وتطــــــــــــــوّر
با قصى الضماير قام يبني قصــوره
غلاه بعروقي مع الــدم فــــــــوّر
وشوقه بقلبي زاد حالي خطــــــوره
,,,,,,,,,,,,,,,,,,,,,,,,,,,,
لا كتبت إسمك تزيّن لي الحــروف
ولا نطقته صار في لسان حـــــــــلا
صدق أنا أحبك ولكن فيني خـــوف
خوف نتفارق بعد ذاك الغــــــــلا
لا تقابلنا يسكنا الكســـــــــــوف
ضاعت الكلمات من ياغــــــــلا
كانت الكلمات في لساني ألــــوف
ويوم شفتك ما ذكرت إلا هــــــلا
الجمعة نوفمبر 09, 2007 8:02 am